迪比續約重拾火力哥連泰斯大盤醒里_東方日報

今日研究南美自由盃16強次回合，哥連泰斯主場迎戰羅沙里奧中央，首回合踢成0比0，今場贏波一方直接晉級。哥連泰斯近日官宣同荷蘭國腳迪比續約兩年，今場強勢復出力爭「士哥」；羅沙里奧中央一旦失波就會轉守為攻，而且今場大細中位數降至1.5球，入球大抵玩。文:邪神

（HOY 76周五早上8時30分直播）

巴甲勁旅哥連泰斯上場鬥羅沙里奧中央，迪比並無上陣，原來當時球隊同迪比因為續約問題鬧得極不愉快，近乎決裂，迪比更揚言要控告球會毀約，幸好冷靜過後雙方最終和解，迪比答應減薪續約至2028年，並已重投操練隨時候命。哥連泰斯鋒力回復舊觀，加上佢哋近期旺開入球大，近5場4次開2球或以上，其中2次更開3球或以上，1.5球入球大穩開，中位數2.5球入球大有分頭亦玩得過。

一開紀錄入波陸續有來
至於阿甲嘅羅沙里奧中央，由另一前曼聯7號猛將迪馬利亞領軍，近5場錄得3勝2和，不容小覷，雖然佢哋擅長打守勢波，不過今場係淘汰賽次回合，當其中一方入波，另一方就會焗住駁火，因此極大機會開2球或以上，入球大放心捧。