隊長弗爆地頭特醒波杜基林特聖券在握_東方日報

歐聯外圍賽第三圈次回合賽事，挪超班霸波杜基林特對比甲勁旅聖基萊斯聯，首回合雙方合演一場激戰，結果踢成3比3平手，今仗再決高下，波杜基林特主場特醒，近5次主場出擊全勝，今仗有全面取「聖」機會，一於捧主勝。（周三凌晨零時開賽）文:渡邊年

首回合戰情峰迴路轉，波杜基林特上半場兩度領先之下被追和2比2，去到88分鐘聖基萊斯聯入波反先，以為就咁完場，點知挪威國腳柏德列貝治一個靚助攻，助波軍91分鐘追和3比3。柏德列貝治首回合貢獻一個入波同一個助攻，呢名挪威防守中場兼波杜基林特隊長，於世盃表現出眾，喺最後一場分組賽同3場淘汰賽都係正選上陣，已經吸引數支有得踢歐洲賽嘅英超球隊關注。

聖基萊斯聯作客跌Watt
聖基萊斯聯作客表現略遜一籌，早前熱身賽作客燕豪芬大敗3比7，後防容易失波，而且上季歐聯聯賽階段，作客只得2勝2負，入5球失6球，堪稱「攻不銳、守不穩」，波杜基林特主勝屬信心之選。