发布者： 发布时间：2024/11/11 10:22:00 浏览次数：
車路士將會喺今日主場擺下擂台迎戰阿仙奴，講到呢場倫敦打吡，車路士近6場都係未贏過，成為阿仙奴嘅專屬出氣袋，咁究竟藍戰士點樣可以扭轉乾坤？
賽前車路士軍容雪上加霜，高爾彭馬唔知踢唔踢得，傳聞話要唞3個禮拜，對於「Palmer FC」係一個大打擊。咁後備有邊個可以用呢？其實小弟真係想睇到尼干古多啲落場嘅機會，儘管今季上陣16次攻入10球，已經多過上年，但球員表示好似經常無正選，情況繼續係咁，下季一定會走。呢位球員季前論正選估計係佢，但係一路畀尼高拉斯積遜壓住。
尼干古近呢兩季上陣時間真係唔多，一來受傷患困擾，二來一路都唔受教練重用，但係你叫佢交貨真係交到，尤其是今季對般尼茅夫後備上陣，只係好短時間就可以入波幫助球隊絕殺，的確係令人留咗深刻嘅印象，大家唔好忘記佢當年喺萊比錫都係孭飛嗰一位，表現都係好出色。
即管睇下今日車路士可唔可以靠尼干古，食住近期個氣勢，喺阿仙奴身上搶分。Willhappy