英超：贏即上榜首曼城尼料搶半大_東方日報

帝國反擊戰掀高潮！
曼城帝國反擊戰進入高潮！「藍月亮」上場榜首大戰擊敗阿仙奴，一星期前嘅落後9分差距，今晚作客般尼就有望完全收復。勢如破竹嘅曼城今場只要贏波，即可以登上榜首位置，而且佢哋要喺得失球爭取優勢，肯定由頭攻到尾，中位數1.5球半場大放心捧場。（Now 621及611周四凌晨3時直播）文:工廠仔

曼城自從歐聯出局之後，集中火力喺英超狙擊阿仙奴，近期4連勝氣勢如虹，而且係兩挫阿仙奴同贏利物浦、車路士，信心返晒嚟。曼城爭冠最大倚仗就係驚人火力，冬季加盟嘅安東尼施美安迅速融入，進攻核心卓基經過半季適應後全面上力，加上狀態回勇嘅射手艾寧夏蘭特衝鋒陷陣，火力足以摧毀任何球隊。

般尼防守曳頂唔住
曼城同阿仙奴競爭仍然緊湊，兩隊依家失分相同，「藍月亮」得失球差僅落後1球，為免最後要用得失球差決定勝負，餘下嘅賽事會「數得就數」。曼城今場對住「降班膽」般尼，肯定想盡可能爭取大勝，一眾球星依家決心十足，相信一開波就已經會向對手施加重壓。

般尼實力所限，上場護級大戰1比4慘負諾定咸森林腳下，降班只係時間問題。般尼近4場聯賽主場1和3負，當中對住韋斯咸、賓福特都係上半場就連環失陷。翻查般尼近5次對曼城，半場總入球全開2球或以上，博1.5球嘅半場大先係明智之選。